CIPR-ը UEICT-ի նորարարության պանելային քննարկմանը

Ապրիլի 14-ին CIPR-ը մասնակցեց UEICT-ի կողմից Innovate Armenia-ի հետ համագործակցությամբ կազմակերպված պանելային քննարկմանը՝ «Նորարարությունը Հայաստանի տարբեր ոլորտներում» թեմայով։

Քննարկման ընթացքում անդրադարձ կատարվեց նորարարությանն առնչվող մարտահրավերներին և հնարավորություններին առողջապահության, ստարտափների, բնապահպանական տեխնոլոգիաների և ավիատիեզերական ինժեներության ոլորտներում՝ ընդգծելով ոլորտների միջև փոխկապակցված մտածողության կարևորությունը Հայաստանի ապագա զարգացման համար։

Պանելի շրջանակում CIPR-ն ընդգծեց, որ պատմականորեն Հայաստանը ունեցել է ամուր հիմք ավիատիեզերական ինժեներության ոլորտում՝ միջազգային ճանաչում ունեցող մասնագետներով և ոլորտում նշանակալի ձեռքբերումներով, և կարևորեց այդ ժառանգությունը վերարժևորելու, շարունակելու և ժամանակակից մարտահրավերներին համապատասխան վերափոխելու անհրաժեշտությունը։ Նշվեց, որ իրական ու բովանդակային նորարարությունը պահանջում է ոչ միայն տեխնոլոգիական լուծումներ, այլև մտածելակերպի փոփոխություն և երկարաժամկետ ռազմավարական տեսլական։

Պանելային քննարկումը համախմբեց տարբեր ոլորտներ և կազմակերպություններ ներկայացնող մասնակիցների՝ հնարավորություն տալով բաց ու կառուցողական տեսանկյունների և փորձի փոխանակման։ Նման քննարկումները կարևոր դեր են խաղում համագործակցության խթանման և Հայաստանի համար առավել համակարգված ու նորարարական ապագայի ձևավորման հարցում։